Sumqayıt şəhərində “31 Dekabr – Dünya Azərbaycanlılarının Həmrəylik Günü” və “Yeni il” münasibətilə ümumşəhər bayram tədbiri təşkil olunub. Bayram tədbirində Sumqayıt Şəhər İcra Hakimiyyətinin başçısı Zakir Fərəcov, millət vəkilləri, hüquq-mühafizə orqanlarının, müəssisə, idarə və təşkilatların rəhbərləri, eləcə də ictimaiyyət nümayəndələri iştirak ediblər. Həmçinin tədbirdə bir sıra ictimai fəallar fəxri fərmanlarla təltif edilib.
Qərbi Azərbaycan İcmasının Sumqayıt nümayəndəliyinin sədr müavini İlkin Şirinov da ictimai fəaliyyəti, Qərbi Azərbaycan həqiqətlərinin təbliği və gənclərlə iş sahəsindəki xidmətlərinə görə fəxri fərmanla mükafatlandırılıb. Bu təltif İlkin Şirinovun uzunmüddətli ictimai fəaliyyəti və icma daxilində göstərdiyi fəallığa verilən yüksək qiymətin göstəricisidir.
Qərbi Azərbaycan İcmasının Sumqayıt nümayəndəliyi olaraq, İlkin Şirinovu Dünya Azərbaycanlılarının Həmrəyliyi Günü və Yeni il münasibətilə keçirilən rəsmi tədbirdə fəxri fərmanla təltif olunması münasibətilə səmimi-qəlbdən təbrik edirik. Ona gələcək fəaliyyətində yeni uğurlar, möhkəm cansağlığı və davamlı nailiyyətlər arzulayırıq.
Qərbi Azərbaycan İcmasının Sumqayıt nümayəndəliyi
