Sumqayıtda qəzalı vəziyyətdə olan yataqxanaların birində yaranan vəziyyət narahalıq doğurur.
Sakinlərin sözlərinə görə, İnşaatçılar qəsəbəsi, 5A saylı yataqxana binasının hazırkı vəziyyəti artıq adi narahatlıqdan daha ciddi təhlükəyə çevrilib.
Divarlarda və döşəmələrdə yaranan çatlar, ovulmuş daşlar və dağılmış hissələr binanın uzun illərdir baxımsız qaldığını göstərir.
Vətəndaşlar deyirlər ki, problemlə bağlı dəfələrlə aidiyyəti qurumlara müraciət etmələrinə baxmayaraq bu günə qədər binanın əsaslı təmiri istiqamətində konkret tədbir görülməyib.
Sumqayıt şəhər İcra Hakimiyyətinin Mənzil Kommunal İstehsalat İstismar Birliyindən bildirildi ki, sözügüdən yataxaqxana hazırda onların balansında deyil. Məhz bu səbəbdən 5 A saylı yataqxanada təmir bərpa işlərinin görülməsi mümkün deyil.
Ətraflı “Xəzər Xəbər”in süjetində.
