Suriya Xarici İşlər Nazirliyi Kosovonun müstəqilliyini rəsmi olaraq tanıdığını bəyan edib.
Gündəm24.az xəbər verir ki, Ər-Riyadda Suriya Ərəb Respublikası, Səudiyyə Ərəbistanı Krallığı və Kosovo Respublikası arasında keçirilən üçtərəfli görüş zamanı qarşılıqlı tanınma və əməkdaşlıq perspektivləri müzakirə olunub.
Nazirliyin məlumatına görə, Dəməşq bu qərarı xalqların öz müqəddəratını təyin etmək hüququna inam və Balkanlarda, eləcə də dünyada sülh və sabitliyin möhkəmləndirilməsi prinsiplərinə sadiqlik əsasında qəbul edib.
Suriya Xarici İşlər və Qürbətçilər Nazirliyi bildirib ki, bu addım ölkənin müxtəlif dövlətlərlə əməkdaşlığı genişləndirmək, ortaq maraqları təşviq etmək və xalqlar arasında dostluğu gücləndirmək siyasətinə tam uyğundur.
Rəsmi Dəməşq, bu prosesdə dialoq və qarşılıqlı anlaşmanın təşviqindəki roluna görə Səudiyyə Ərəbistanına minnətdarlığını ifadə edib.
Suriya tərəfi yaxın vaxtlarda Kosovo Respublikası ilə diplomatik münasibətlərin qurulacağına və siyasi, iqtisadi, mədəni sahələrdə əməkdaşlığın inkişaf edəcəyinə ümid bəslədiyini də açıqlayıb.
Elay RZAZADƏ,
Gündəm24.az
