2026-cı ilin əvvəlindən Avropa İttifaqı (Aİ) ölkələrində Qərbi Nil virusuna 1 715 yoluxma halı qeydə alınıb, 130 nəfər həyatını itirib.
Gündəm24.az xəbər verir ki, bu barədə Avropa Xəstəliklərin Qarşısının Alınması və Nəzarəti Mərkəzi (ECDC) məlumat yayıb.
Belçikanın Flandriya bölgəsində də virusdan iki nəfərin öldüyü bildirilib. Hər iki şəxs xəstəliyin ağır keçməsi baxımından yüksək risk qrupuna daxil olub.
Bölgədə tibb müəssisələri əhali arasında profilaktik tədbirlərlə bağlı məlumatlandırmanı gücləndirib.
ECDC-nin məlumatına görə, virus əvvəlki yayılma arealından daha şimal ərazilərə doğru yayılır. Belçikadan sonra Niderlandda da yoluxma halları qeydə alınıb. Həmin ölkədə insanlar arasında 59 yoluxma aşkarlanıb.
