ABŞ Prezidenti Donald Tramp Ağ Evdə 650 nəfərlik, 200 milyon dollarlıq yeni bal zalının tikintisinə başlayıb. Layihənin əsas hissəsi Tramp tərəfindən maliyyələşdiriləcək, lakin anonim donorların hər biri 20 milyon dollara qədər ianə verə bilər.
Gündəm24.az xəbər verir ki, Potensial donorlar arasında Blackstone, OpenAI, Microsoft, Coinbase, Palantir, Lockheed Martin, Amazon və Google kimi iri şirkətlər, həmçinin NFL və futbol klublarının sahibləri iştirak edib. Rəsmi açıqlamaya görə, indiyə qədər YouTube 22 milyon dollar töhfə verib.
Ağ Ev bildirir ki, tikinti vergi ödəyicilərinə aid deyil və gələcək administrasiyalar tərəfindən istifadə olunacaq. Layihə həm də Trampın “Tramp tağı” adlandırdığı xüsusi tağ və dəbdəbəli dekorları ilə diqqət çəkir.
Elay RZAZADƏ,
Gündəm24.az
