Prezident Rəcəb Tayyib Ərdoğan Suriya Prezidenti Əhməd əl-Şara ilə telefon danışığı aparıb. Telefon danışığı zamanı Suriyadakı son hadisələr və bölgədə sabitliyin təmin edilməsi üçün atılan addımlar müzakirə edilib.
Gündəm24.az xəbər verir ki, Prezident Ərdoğan və Suriya Prezidenti Əhməd əl-Şara telefonda danışıblar.
Görüşdə Suriya Prezidenti əl-Şara ölkəsinin ərazi bütövlüyünə və milli prinsiplərə sadiqliyini vurğulayaraq, prioritetin ölkə daxilində dövlət hakimiyyətinin qurulması olduğunu bildirdi. Mülki əhalinin qorunması, Hələb ətrafında təhlükəsizliyin təmin edilməsi və yenidənqurma prosesinə mənfi təsir göstərən qanunsuz silahlı qruplarla mübarizə məsələləri də müzakirə edildi.
Prezident Ərdoğan Türkiyənin Suriyada təhlükəsizlik və sabitliyin gücləndirilməsi səylərini dəstəkləməyə davam edəcəyini bildirib. Ərdoğan ortaq təhdidlər və regional problemlərlə mübarizədə iki ölkə arasında koordinasiyanın vacibliyini vurğulayıb.
Görüşün sonunda iki lider müvafiq qurumlar arasında sıx əməkdaşlığın davam etdirilməsi və qarşılıqlı razılaşmaların həyata keçirilməsinin vacibliyi barədə razılığa gəldilər.
Sədaqət Həsənova
