“Bacanaqlar” serialına başlayanda 25 yaşım var idi, bitəndə isə 36 yaşım olmuşdu. Serialı dayandırmağımızın iki səbəbi var idi. Xalq artistləri bizi tənqid edirdi. Texnikamız zəif idi, istədiyimiz keyfiyyəti ortaya qoya bilmirdik. Bir də yorulmuşdum və serialı bağladım. Türkiyədə filmə çəkiləndə məndən “Bacanaqlar”ı soruşurdular. Özbəkistanda da eyni sualla qarşılaşırdım. Yaxşı vaxtda bağladım. Ora girəndə gənc idim, cavanlığım getdi.
Bu sözləri aktyor Elməddin Cəfərov “Pozan Media” yutub layihəsində deyib.
O, məşhur “Bacanaqlar” serialının yayımının dayandırılmasından danışıb. E. Cəfərov bildirib ki, Xalq artistlərinin tənqidləri də serialın bağlanması ilə bağlı qərara təsir edən səbəblərdən biri olub.
Aktyor “Qız atası” serialından da danışıb. Cəfərov bildirib ki, layihəni sponsorların dəstəyini dayandırması səbəbindən bağlamalı olublar:
“Qız atası“ 12 il yayımlandı. Sponsora görə məcbur dayandırdıq. Birdən maddi sıxıntı yarandı. Sponsorlar birdən-birə çəkildi. Maddi imkanım olmadı və dayandım. Reytinqdə birinci idi, amma olmadı”. (Axşam.az)
