Fransa Prezidenti Emmanuel Makron bildirib ki, növbəti iki həftə Ukraynanın Rusiya ilə münaqişənin sülh yolu ilə həllində əldə edəcəyi təhlükəsizlik zəmanətlərinin müəyyənləşdirilməsi baxımından həlledici olacaq.

Makron LCI telekanalına verdiyi müsahibədə qeyd edib ki, Fransa, Böyük Britaniya, Almaniya və Türkiyə Ukraynanın hava, dəniz və quru sahələrində təhlükəsizliyinin təmin olunması əməliyyatlarını “front xəttində olmadan” həyata keçirməyə hazırdır.

Gündəm24.az xəbər verir ki, Prezident vurğulayıb: «Biz əmin olmaq istəyirik ki, bu sülh və bu razılaşma ukraynalılara ölkələrini bərpa etməyə və sülh şəraitində yaşamağa imkan verəcək. Biz istəyirik ki, sülh razılaşmasının imzalanmasından sonraki gün onlarda kifayət qədər təsirli müdafiə qüvvəsi olsun ki, təkrar hücuma məruz qalmasınlar və Avropalılar sülh və təhlükəsizlik şəraitində yaşasınlar».

Beləliklə, Paris gələcək sülh sazişinin şərtlərinin diqqətlə hazırlanmasının vacibliyini vurğulayır və bunun bölgədə uzunmüddətli stabillik və təhlükəsizliyi təmin edəcəyinə əmin olmaq istəyir.

Səmra İSMAYIL,
Gündəm24.az

Oxunub: 10