Müğənni Gülay Zeynallı son konsertində seçdiyi səhnə obrazı ilə diqqət mərkəzinə düşüb.
Gündəm24.az xəbər verir ki, sənətçinin imici sosial şəbəkələrdə müzakirələrə səbəb olub.
Belə ki, üç gün əvvəl Heydər Əliyev Sarayında ilk solo konsertini verən Gülayın səhnə görünüşü Türkiyənin tanınmış müğənnisi Ebru Gündeşin ötən il dekabrın 25-də “Volkswagen Arena”da keçirilən “Beraber Söylüyoruz” konsertindəki səhnə stilinə bənzədilib.
Həmin konsertdə Gündeş kostyum və qalstuk daha qapalı imicdə səhnəyə çıxmışdı. Gülayın da bənzər detallara üstünlük verməsi izləyicilərin diqqətindən yayınmayıb.
Sosial şəbəkələrdə bir çox istifadəçilər sənətçinin türkiyəli müğənnidən ilhamlandığını, hətta onu kopyaladığını iddia ediblər. Digərləri isə onun kimisə kopyalamağa ehtiyacı olmadığını bildiriblər./Bakupost.az
