Rasim Əsgərov və Çinarə arasında nə baş verir?
Tanınmış pianoçu, bəstəkar və aranjimançı Rasim Əsgərovun sosial şəbəkələrdə təqdim etdiyi özəl musiqi kontentləri qısa zamanda böyük auditoriya toplayaraq hər kəsin zövqünü oxşamağı bacarıb.
AZXEBER.COM xəbər verir ki, sənətçinin layihələrində Namiq Qaraçuxurlu, Nigar Camal və Çinarə Məlikzadə kimi məşhur simalar yer alaraq videolara xüsusi rəng qatıblar.
Lakin bu layihələr arasında izləyicilərin diqqətini ən çox çəkən və qısa müddətdə viral olan məhz Çinarə Məlikzadə ilə olan ifaları idi. Onların birlikdə təqdim etdikləri səmimi kadrlara, canlı musiqi ifalarına və ekran arxasındakı görüntülərinə heyran qalan izləyicilər cütlüyü bir-birinə çox yaraşdırır, sosial şəbəkələrdə minlərlə tərif dolu rəylər yazırdılar.
Birlikdə çəkilən videolar niyə dayandı?
Son zamanlar isə diqqətli izləyicilərin gözündən qaçmayan bir məqam böyük müzakirələrə səbəb olub. Belə ki, Rasim Əsgərov artıq kontentlərini əvvəlki kimi təkbaşına paylaşmağa başlayıb.
Çinarə Məlikzadənin videolarda görünməməsi və cütlüyün birgə paylaşım etməməsi sosial şəbəkə istifadəçiləri arasında suallar doğurub.
Pərəstişkarları arasında “Münasibətləri soyuyub?”, “Aralarında narazılıq baş verib?” kimi iddialar hızla yayılmaqdadır.
İzləyicilər sevilən duetin yenidən bir araya gəlib-gəlməyəcəyini həyəcanla gözləyir.
