Müğənni Emma Ələkbərzadə “Maska” şousunda yaşadığı çətinlikdən danışıb.
Gündəm24.az xəbər verir ki, sənətçi bu haqda “Ötən günlər” verilişində bəhs edib. O bildirib ki, allergik rinitdən əziyyət çəkdiyi üçün maska altında qalmaq ona asan olmayıb:
“Boğazımı rezinlə dartmışdılar. Allergik rinitdən əziyyət çəkirəm. Nəfəs ala bilmirəm. Tez-tez burnuma dərman tökülməlidir. Deyirdim burnuma dərman tökün, deyirdilər, necə? Axırda deşik açmışdım, dərmanı oradan tökürdüm”.
E.Ələkbərzadə oğlu Davidin onun şouya qatılmasına münasibətini danışıb:
“Son gün çıxış edəndə David Sevdaya (Əməkdar artist Sevda Ələkbərzadə – red.) dedi ki, xala, Emmadı. Mən də deyirəm, yox mən yoxam. Axırda maska açılanda dedi ki, deyirdim, Emmadı”.
Qeyd edək ki, E.Ələkbərzadə şouda Vəzir obrazını yaratmışdı. \axsam.az
