Türkiyəli aktyorlar məşhur Ozan Güvən və Mehmet Aslantuğ İstanbulun Kadıköy rayonundakı bir məkanda etirazla qarşılaşıblar.
Gündəm24.az xəbər verir ki, Ozan Güvənin məkanda olduğunu görən bəzi müştərilər onun keçmiş sevgilisi Dəniz Bulutsuza qarşı zorakılıq işi ilə bağlı etirazlarını ifadə ediblər.
Qısa müddətdə digər müştərilərin də qoşulduğu etiraz nəticəsində məkanda gərginlik yaranıb.
Şahidlərin sözlərinə görə, Mehmet Aslantuğ etiraz edənləri sakitləşdirməyə çalışsa da, bu cəhdlər nəticə verməyib.
Məlumata görə, təxminən bir saat davam edən gərginlikdən sonra Ozan Güvən və Mehmet Aslantuğ məkanı tərk ediblər.
Qeyd edək ki, Ozan Güvənin keçmiş sevgilisi Dəniz Bulutsuza qarşı zorakılıq işi ilə bağlı ona verilmiş həbs cəzası apellyasiya instansiyası tərəfindən qüvvədə saxlanılıb. Hadisənin yenidən gündəmə gəlməsi Kadıköydəki etirazların əsas səbəbi kimi göstərilir.
