The New York Times Avropanın aparıcı enerji şirkətlərinin yenidən köhnə — fosil yanacaq mənbələrinə üz tutduğunu yazıb.
Gündəm24.az xəbər verir ki, məlumata görə, Fransanın enerji şirkəti TotalEnergies 5,1 milyard avro sərmayə qoyaraq bir neçə Avropa ölkəsində yerləşən qaz elektrik stansiyalarının 50%-lik payını almağa hazırlaşır. Şirkət bildirib ki, qaz stansiyalarının alınması onların bərpa olunan enerji portfelini balanslaşdırmaq məqsədi daşıyır.
Digər tərəfdən, Exxon Mobil Afinada Yunanıstan sularında neft və qaz kəşfiyyatı üçün ilkin icazə verən müqavilə imzalayıb. Shell isə külək enerjisi layihələrinin bir qismini dayandıraraq elektrik ticarətinə daha çox fokuslanır.
İtaliyada isə hökumət qaz layihələrinin sürətləndirilməsi üçün bəzi məhdudiyyətləri yumşaldır və sənaye ehtiyaclarını ödəmək məqsədilə yeni qaz layihələrinin daha tez həyata keçirilməsinə imkan verəcək qanunları nəzərdən keçirir.
Əli Səfərli,
Gündəm24.az
