Yeni il ərəfəsində paytaxt küçələrində Şaxta baba və Qar qız obrazında fəaliyyət göstərən şəxslərin sayı maraq doğurur.
Gündəm24.az xəbər verir ki, məsələ ilə bağlı Bakı Şəhər İcra Hakimiyyətinin Ticarət və Xidmət Departamenti Axar.az-a açıqlamasında paytaxtda Şaxta baba və Qar qız personajı yaratmaq üçün departamentə müraciətlərin daxil olduğu bildirib.
“Aparılan qeydiyyat prosesi nəticəsində 4 Şaxta baba və 4 Qar qız Bakı şəhərinin müxtəlif küçə və ictimai məkanlarında fəaliyyət göstərmələri üçün rəsmi şəkildə qeydiyyata alınıb”, – məlumatda bildirilib.
Qeyd edək ki, Bakıda müxtəlif meydanlarda, parklarda, o cümlədən əyləncə mərkəzlərində Şaxta babaların və Qar qızların sayı kifayət qədər çoxdur. Bu baxımdan rəsmi rəqəm təəccübləndirir.
