Ermənistanın baş naziri Nikol Paşinyan parlamentdə çıxışı zamanı cəmiyyətin düşüncə tərzinin sovet xüsusi xidmət orqanları tərəfindən formalaşdırıldığını bildirib.
Gundem24.az xəbər verir ki, Paşinyan çıxışı zamanı “Biz deyirik ki, türklər heç vaxt dəyişmir, Türkiyədə isə eyni şeyi ermənilər haqqında deyirlər. Biz deyirik ki, Azərbaycana necə etibar edə bilərik, onlar da eyni şeyi ermənilər haqqında söyləyirlər. Biz deyirik ki, tarixdən dərs çıxarmamışıq, onlar isə deyirlər ki, əgər siz ermənilərlə sülh istəyirsinizsə, deməli, tarixdən dərs çıxarmamısınız”, – sözlərini işlədib.
Paşinyan əlavə edib ki, “bizə KQB agentləri tərəfindən formalaşdırılmış dünyagörüşündən azad olmaq” lazımdır.
Əli Səfərli,
Gundem24.az
