Putin bir şüşə tapsaydı və o şüşədən çıxan cin Putinə:
“Üç arzu haqqın var, məndən nə istəsən dilə” desəydi;
Yəqin ki, Putin belə cavab verərdi:
“Üç arzu yox, mənim tək bir arzum var: ABŞ İrana hücum etsin!”
Bəli… Bunu bir cin edib-etmədiyini bilmirəm, amma Putinin arzusu gerçəkləşdi.
ABŞ İrana hücum etdi, Hörmüz boğazı bağlandı və enerji böhranı yarandı.
Beləliklə, Avropanın enerji ehtiyacını qarşılamaq üçün Rusiyaya olan ehtiyac daha da artdı.
ABŞ Avropaya “ölün, mənə nə” deyə bilməyəcəyi üçün, Trampın Rusiyaya tətbiq olunan sanksiyaları yumşalda biləcəyi barədə xəbərlər yayılmağa başladı.
İran Çin üçün də vacib idi. İndi isə Çin üçün onsuz da vacib olan Rusiya nefti daha da vacib hala gəldi.
ABŞ və İsrailin bütün sursat ehtiyatlarını İrana qarşı istifadə etmək məcburiyyətində qalması da ehtimal olunur.
Beləliklə, Ukraynanın ABŞ-dən silah, raket və s. tələbləri uzun müddətlik arxa plana keçdi. Yəni İran müharibəsi səbəbindən Ukrayna Rusiyaya qarşı daha da tək qaldı.
Nəticədə ABŞ-ın gündəmindən Rusiya ilə müharibə mövzusu düşdü və Rusiya dərin nəfəs aldı.
Üstəlik, daha çox imkan əldə etdi.
Putinin bəlkə bir cini yoxdur, amma özünü cin zənn edən, cin fikrli bir düşməni var – Tramp.
Bu isə Putinə bəs edir, hətta artar da.\KONKRET.az
Müəllif: Ercan Faraş,
