İranda ölkənin yeni ali liderinə dəstək məqsədilə kütləvi nümayişlər keçirilir.
Gündəm24.az xəbər verir ki, ABŞ və İsrailin İrana endirdiyi hava zərbələri nəticəsində ölkənin ali lideri Əli Xameneinin ölümündən on gün sonra onun oğlu Müctəba Xamenei ölkənin üçüncü ali lideri seçilib.
Seçkinin elan olunmasından sonra paytaxt Tehranda və bir sıra digər şəhərlərdə sakinlər yeni liderə dəstək nümayiş etdirmək üçün məscidlərə və şəhər meydanlarına toplaşıblar.
Toplantılar zamanı ənənəvi “Allahu Əkbər, Xamenei liderdir” şüarı səsləndirilməyə davam edib.
Lakin dünən keçirilən mitinqlərdə bu şüara yeni ifadə də əlavə olunub. İştirakçılar “Tanrının əli göründü, Xamenei cavanlaşdı” şüarını səsləndiriblər.
Analitiklərin fikrincə, bu ifadə həm hakimiyyətin davamlılığına işarə edir, həm də dolayısı ilə cəmiyyətdə yenilənmə və dəyişiklik gözləntilərinin mövcud olduğunu göstərir.
