Ukraynadakı cəbhə döyüşləri zamanı Rusiya PUA-ları hər zaman göydə dövrə vurur və istənilən an hücum etməyə hazır dayanır. Bu, Qərbin Rusiya ilə açıq münaqişə halında hazır olmadığı müharibədir.
Gündəm24.az xəbər verir ki, bu barədə “İndependent” nəşri amerikalı paramedik Rebekka Matsiorovskiyə istinadən yazıb.
“Əgər NATO-nun hərbi rəsmiləri ilə danışsanız, onlar sizi əmin edəcəklər ki, hər şey nəzarət altındadır, yaxşı təchiz olunublar və yaxşı hazırlanıblar. Amma mən düşünmürəm ki, kimsə belə bir münaqişəyə hazır ola bilər. Heç kəs. Məni narahat edən isə budur ki, onlar Avropada ukraynalılar üçün təlim təklif etsələr də, məncə, özləri də ukraynalılardan müəyyən məlumat və təlim almaqda fayda görərdilər”, – Matsiorovski qeyd edib.
