Dnepr çayının sol sahilindəki Kiyev ərazilərində su təchizatı dayandırılıb.
Gündəm24.az xəbər verir ki, “Strana” xəbər agentliyinin məlumatına görə, Kiyevin 75%-dən çoxu elektriksiz qalıb.
Məlumata görə, Ukrayna paytaxtının bütün ərazilərində elektrik kəsintiləri qeydə alınıb.
Çərşənbə axşamı səhər tezdən Kiyevdə bir sıra partlayışlar baş verdi. Bundan sonra elektrik enerjisi ilə bağlı problemlər yarandı. Dnepr çayının sol sahilindəki Kiyev ərazilərində su təchizatı kəsilib, şəhərin digər yerlərində isə su azaldılmış təzyiqlə verilir. Elektrik enerjisinin olmaması səbəbindən metro qatarları artırılmış intervallarla hərəkət edir. DTEK enerji şirkəti daha sonra paytaxtda 335 mindən çox insanın elektrik enerjisiz qaldığını bildirdi. Vladimir Zelenski Kiyevin elektrik təchizatı ilə bağlı daha bir çətin vəziyyətlə üzləşdiyini etiraf etdi.
Sədaqət Həsənova
