“Bacardığımız qədər yüksək hədəflər barədə düşünməli, bunun üçün mübarizə aparmalıylıq”.
Bu sözləri “Sumqayıt” Futbol Klubunun futbolçusu Emil Mustafayev müsahibəsi zamanı deyib.
Müsahibəni təqdim edirik:
– Emil, hazırlıq necə gedir?
– Hər şey yaxşıdır, hər şey plan üzrə gedir. Yeni baş məşqçimiz var, onun istədiklərini yerinə yetirməyə çalışırıq.
– Keçən mövsümün sonunda yenidən Ukraynaya qayıtdın və “Sumqayıt”a dönüşün çətin görünürdü. Amma yenə də buradasan …
– Bilirsiniz ki, mənim “Polisey”lə müqaviləm var idi, burada icarə əsasında çıxış edirdim. Buna görə də yenidən Ukraynaya qayıtmalı idim. Amma artıq burdayam və “Sumqayıt”la rəsmi müqavilə bağlamışam.
– “Sumqayıt”la rəsmi müqavilə bağladığına görə, deməli burda hər şey səni qane edir.
– Bəli, burada hər şey ürəyimcədir.
– Ötən mövsüm Saşa İliçlə işlədin. Bu mövsümdən isə yeni baş məşqçiniz Filipe Kandidodur. Bu iki məşqçi arasında hansısa fərq görürsən?
– Hər məşqçinin öz yanaşması var. Bu iki məşqçini müqayisə etmək istəməzdim. Mən futbolçuyam, hansı tapşırıq verilirsə, onu da icra edirəm.
– Yeni mövsümdə əsas hədəfiniz nə olacaq?
– Bacardığımız qədər yüksək hədəflər barədə düşünməli, bunun üçün mübarizə aparmalıylıq.
Mənbə: Rekord.az
