Sumqayıtın tanınmış cüdo məşqçisi İlham Məmmədovun 50 illik yubileyi münasibətilə tədbir keçirilib.
Sumqayit24.az xəbər verir ki, görüş Abşeron-Xızı Regional Gənclər və İdman İdarəsində baş tutub.
Tədbirdə “Təhsil” Respublika İdman Mərkəzinin Sumqayıt şəhər 2 nömrəli Uşaq-Gənclər İdman-Şahmat Məktəbinin məşqçi-müəllimi, Əməkdar məşqçi İlham Məmmədovun Sumqayıtda bədən tərbiyəsi və idmanın inkişafına, eləcə də cüdo idman növünün təbliği və inkişafına verdiyi töhfələrdən bəhs olunub.
Sonda yubilyar Abşeron-Xızı Regional Gənclər və İdman İdarəsinin Fəxri Fərmanı ilə təltif edilib.
