Narkotik testinin nəticəsi müsbət çıxan sosial media fenomeni Şeyma Subaşı ilk açıqlamasında “Mən səmimi bir tövbə prosesindən keçirəm və keçmişəm” dedi.
Gündəm24.az xəbər verir ki, Sosial media fenomeni Şeyma Subaşının narkotik testinin nəticələri müsbət çıxıb və o, nəticələr açıqlanandan sonra ilk dəfə açıqlama verib. Videoda Subaşı bildirib ki, “səmimi bir tövbə prosesindən keçirəm və keçmişəm. Özüm və gələcəyimlə bağlı qərarlar verdiyim mühüm bir dövrdəyəm.”
O əlavə edib ki, hal-hazırda və həmişə diqqətini sağlamlığına, qızına və daha çox inam və məsuliyyətlə yaşamağa yönəldib. Subaşı qeyd edib ki, həyatının ritmi və taleyi onun seçimləri ilə formalaşıb və etdiklərinə görə tam məsuliyyət daşıyır.
“Bundan sonra yoluma sakitcə, dürüstcəsinə və hörmətlə davam etməyi seçirəm,” – deyə o bildirib. Subaşı həmçinin sosial media vasitəsilə səmimiyyəti çatdırmaqda çətinlik çəkdiyini, amma haqqındakı bütün xəbərlərin fərqində olduğunu vurğulayıb. O, prosesdə iştirak edən hər kəsə, xüsusən də onu başa düşənlərə təşəkkür edib və insanların açıqlamasını istədikləri kimi şərh edə biləcəyini əlavə edib.
Sədaqət Həsənova
