Təyyarə Moskvanın Vnukovo hava limanından yola düşüb.
Gündəm24.az xəbər verir ki, Avropa İttifaqının hava nəqliyyatı idarələrindən TASS-a verilən məlumata görə, ABŞ Prezidentinin xüsusi elçisi Stiv Vitkov Moskvanın Vnukovo hava limanından yola düşərək Birləşmiş Ərəb Əmirliklərinə doğru hərəkət edir. Təyyarə artıq Kipr hava nəqliyyatı dispetçerlərinin nəzarət etdiyi ərazini tərk edib və BƏƏ-yə doğru davam edir. Yanvarın 22-də Rusiya Prezidenti Vladimir Putin Vitkov və iş adamı Cared Kuşner ilə dörd saat davam edən görüş keçirib; Kremlin köməkçisi Yuri Uşakov görüşü son dərəcə məzmunlu, konstruktiv və etimada əsaslanan adlandırıb. Tərəflər Rusiya-ABŞ-Ukrayna təhlükəsizlik işçi qrupunun ilk iclasını yanvarın 23-də Əbu-Dabidə keçirməyə razılıq veriblər və burada həmçinin iqtisadi məsələlər üzrə üçtərəfli işçi qrupun iclası da keçiriləcək.
Sədaqət Həsənova
