Rusiya Müdafiə Nazirliyi Rusiya ordusunun Ukraynanın Sumı bölgəsindəki Belaya Beryoza yaşayış məntəqəsini nəzarətə götürdüyünü açıqladı.
Gündəm24.az xəbər verir ki, Rusiya Müdafiə Nazirliyinin məlumatına görə, son 24 saat ərzində xüsusi hərbi əməliyyatlar zonasında Sumı bölgəsindəki Belaya Beryoza yaşayış məntəqəsi Rusiya Silahlı Qüvvələrinin “Şimal” Hərbi Qrupu tərəfindən nəzarətə götürülüb.
Bəyanatda bildirilir ki, Rusiya ordusu 1150 Ukrayna əsgərini zərərsizləşdirib və 15 zirehli döyüş maşınını məhv edib. Taktiki təyyarələr, dronlar, raket və artilleriya bölmələri Ukrayna hərbi obyektlərinə, radarlarına, sursat anbarlarına və 153 fərqli müvəqqəti yerləşmə nöqtəsinə zərbələr endirib.
Hava hücumundan müdafiə qüvvələri isə Ukraynaya məxsus 111 hərbi dronu ələ keçirib və vurub.
Sədaqət Həsənova
