BƏƏ Xarici İşlər Nazirliyi Rusiya, Ukrayna və ABŞ nümayəndələrinin iştirakı ilə Əbu-Dabidə təhlükəsizlik məsələləri üzrə üçtərəfli danışıqların başladığını açıqladı.
Gündəm24.az xəbər verir ki, BƏƏ Xarici İşlər Nazirliyi Rusiya, Ukrayna və ABŞ nümayəndə heyətləri arasında Əbu-Dabidə üçtərəfli danışıqların başladığını açıqlayıb. BƏƏ tərəfi bu görüşlərin Ukrayna böhranının həllinə töhfə verəcəyinə ümid etdiyini bildirib.
Məlumata görə, Rusiyanın təhlükəsizlik məsələləri üzrə işçi qrupu Əbu-Dabiyə gəlib və nümayəndə heyətinə Baş Kəşfiyyat İdarəsinin rəisi İqor Kostyukov rəhbərlik edir. Paralel olaraq Kirill Dmitriyev və ABŞ-ın xüsusi nümayəndəsi Stiv Vitkov dondurulmuş Rusiya aktivləri ilə bağlı ikitərəfli iqtisadi müzakirələr aparacaq.
Bundan əvvəl Kreml Vladimir Putinin ABŞ nümayəndə heyəti ilə görüşdüyünü və Ukraynanın iştirakı ilə təhlükəsizlik üzrə ilk işçi qrupunun yaradılması barədə razılıq əldə olunduğunu açıqlayıb. Moskva Donbassdan Ukrayna qüvvələrinin çıxarılmasını əsas şərt kimi saxlayır, Vaşinqton isə ərazi məsələsi həll olunmadan uzunmüddətli razılaşmanın mümkün olmadığını qəbul edir.
Sədaqət Həsənova
