Kirill Dmitriyev Britaniyanın “Financial Times” qəzetində mənbələrə istinadən dərc olunmuş xəbərə münasibət bildirib ki, Kiyev bir sıra ərazi güzəştlərini özündə ehtiva edən sülh müqaviləsinə razı olarsa, ABŞ Ukraynaya təhlükəsizlik zəmanəti verməyə hazırdır.
Gündəm24.az xəbər verir ki, Financial Times-ın məlumatına görə, əgər Kiyev bir sıra ərazi güzəştlərini nəzərdə tutan sülh müqaviləsinə razılaşarsa, ABŞ Ukraynaya təhlükəsizlik zəmanətləri və silah tədarükünü artırmağa hazırdır. Rusiya prezidentinin Xarici Ölkələrlə İnvestisiya və İqtisadi Əməkdaşlıq üzrə Xüsusi Nümayəndəsi və RDIF rəhbəri Kirill Dmitriyev bildirib ki, Ukraynada sülhün açarı Kiyev qoşunlarının Donbassdan çıxarılmasından keçir. Ağ Evin mətbuat katibinin müavini Anna Kelli isə xəbərin “tamamilə yalan” olduğunu bildirərək, Rusiya, ABŞ və Ukrayna nümayəndələrinin Əbu-Dabidə keçirilən danışıqlarının yaxşı vəziyyətdə olduğunu vurğulayıb.
Sədaqət Həsənova
