Lana Ravandi-Fədai Trampın son bir neçə gündə İranla bağlı mövqeyini dəyişdiyini vurğuladı.
Gündəm24.az xəbər verir ki, TASS-ın məlumatına görə,Rusiya Elmlər Akademiyasının Şərqşünaslıq İnstitutunun Şərq Mədəniyyət Mərkəzinin rəhbəri Lana Ravandi-Fədai bildirib ki, İsrail İranı sabitsizləşdirmək üçün ABŞ-dan istifadə etməyə çalışır, lakin ABŞ Prezidenti Donald Tramp eskalasiya yoluna getməyə hazır deyil. Ravandi-Fədai Valday Müzakirə Klubunun tədbirində qeyd edib ki, İran güclü dövlətdir, lakin İsrail hökumətini devirmək və “çirkli oyunlar” qurmaq üçün əlindən gələni edəcək, ABŞ-ı isə bu planlarda vasitə kimi istifadə edəcək.
Ekspert əlavə edib ki, İsrail ABŞ-ı “İranın vulkan kimi püskürməsi” ümidi ilə manipulyasiya etməyə çalışır, lakin Tramp hərbi hərəkata hazır deyil və son günlərdə mövqeyini yumşaldıb. Ravandi-Fədai qeyd edib ki, ABŞ lideri İranın danışıqlara hazır olduğunu anlayır və gərginliyi azaltmaq məqsədilə hərbi eskalasiyaya getmək istəmir.
Tramp daha əvvəl ABŞ-ın bölgəyə böyük qüvvələr göndərdiyini və İranı nəzarətdə saxladığını bildirmiş, həmçinin İrana qarşı güc tətbiqini ciddi şəkildə nəzərdən keçirdiyini xəbərdarlıq etmişdi.
Sədaqət Həsənova
