İsveçrənin xarici işlər naziri Qəzzada baş verən cinayətlərdə iştirak etməkdə ittiham olunaraq Beynəlxalq Cinayət Məhkəməsində mühakimə olunacaq. Xarici İşlər Nazirliyi bu bəyanatı nəzərə aldığını bildirib.
Gündəm24.az xəbər verir ki, Swissinfo-nun məlumatına görə, 25 isveçrəli vəkildən ibarət qrup Beynəlxalq Cinayət Məhkəməsində İsveçrənin xarici işlər naziri İqnazio Kassisə qarşı Qəzza zolağında törədildiyi iddia edilən müharibə cinayətlərinə, insanlığa qarşı cinayətlərə və soyqırıma kömək etməkdə ittiham irəli sürüb.
Nazir xüsusilə İsveçrənin İsraillə hərbi əməkdaşlığına son qoymamaqda və Qəzzada münaqişənin ölümcül şəkildə artmasının qarşısını almaq üçün kifayət qədər addım atmamaqda ittiham olunur. Xarici İşlər Nazirliyi bu bəyanatı nəzərə aldığını bildirib.
Kassis öz ölkəsində vəkillərin hüquqi tədbirləri ilə üzləşən yeganə məmur deyil. 2025-ci ildə Haaqada İtaliya və Fransanın yüksək vəzifəli şəxslərinə, o cümlədən Fransa prezidenti Emmanuel Makron və İtaliyanın baş naziri Corciya Meloniyə, həmçinin hər iki ölkənin xarici işlər və müdafiə nazirliklərinin rəhbərlərinə qarşı oxşar məhkəmə iddiaları qaldırılıb.
16 sentyabr 2025-ci ildə Şərqi Qüds də daxil olmaqla işğal olunmuş Fələstin ərazilərində və İsraildə baş verən hadisələri araşdıran BMT komissiyasının ekspertləri yəhudi dövlətinin Qəzza zolağında fələstinlilərə qarşı soyqırım törətdiyini bildiriblər. Komissiyanın qiymətləndirməsinə görə, İsrail hakimiyyəti və hərbçilərinin anklavdakı hərəkətləri, o cümlədən aclıq və fələstinlilər üçün qeyri-insani həyat şəraiti ilə bağlı yeganə məntiqi nəticə soyqırım niyyətinin olmasıdır.
Sədaqət Həsənova
