Çin xarici işlər nazirinin müavini Myao Deyu bildirib ki, Pekin BMT Nizamnaməsinin, suveren bərabərliyin və beynəlxalq ədalətin prinsiplərinə riayət etmək üçün bütün tərəflərlə koordinasiya etməyə hazırdır.
Gündəm24.az xəbər verir ki, Global Times-ın məlumatına görə,Çin İran ətrafındakı vəziyyəti yaxından izləyir və Tehranın suverenliyini, milli təhlükəsizliyini və ləyaqətini qorumaq səylərini tam dəstəkləyir. Çin xarici işlər nazirinin müavini Myao Deyu İranlı həmkarı Kazem Qəribabadi ilə görüşündə vurğulayıb ki, Pekin birtərəfli hədə-qorxu və hərbi təzyiqi, eləcə də digər ölkələrin daxili işlərinə müdaxiləni qəbuledilməz sayır.
Görüş zamanı tərəflər BMT Nizamnaməsinin prinsiplərinə və suveren bərabərliyə riayət edilməsinin vacibliyini müzakirə edib, Çin isə bütün tərəflərlə dialoqa açıq olduğunu təsdiqləyib. İran nümayəndəsi Tehranın diplomatik yanaşmaya sadiq olduğunu və xarici təzyiqləri rədd edərək ədalətli əsasda danışıqlara hazır olduğunu bildirib. Eyni zamanda, Çinin regionda sülh və sabitliyin təmin edilməsində artan rolunu alqışlayıb, əməkdaşlığın davam etdirilməsinin əhəmiyyətini vurğulayıb.
Sədaqət Həsənova
