Rusiya-Moldova Dostluq və Əməkdaşlıq Mərkəzinin rəhbəri Dmitri Sorokin qeyd edib ki, iki alternativlə – Rumıniya və ya Rusiyanın bir hissəsi olmaqla – referendum keçirilməsinə ehtiyac var.
Gündəm24.az-ın TASS-a istinadən yaydığı məlumata görə, Moldovada geosiyasi üstünlüklərlə bağlı müzakirələr yenidən qızışıb. Rusiya-Moldova Dostluq və Əməkdaşlıq Mərkəzinin rəhbəri Dmitri Sorokin Kişinyovun gələcək kursu ilə bağlı səsləndirilən fikirlərin fonunda maraqlı açıqlama verib. O bildirib ki, ictimai rəydə Rumıniya ilə yaxınlaşmadan daha çox Rusiya ilə inteqrasiya xətti üstünlük təşkil edir.
Bu bəyanat həm siyasi dairələrdə, həm də cəmiyyətdə yeni polemikaya səbəb olub. Müşahidəçilər hesab edirlər ki, belə açıqlamalar Moldovanın xarici siyasət istiqaməti ilə bağlı daxili mübahisələri daha da dərinləşdirə bilər. Ölkənin gələcək seçimi ilə bağlı suallar isə hələ də açıq qalır.
Sədaqət Həsənova
