İran prezidenti bildirib ki, ölkəsi bərabər və qarşılıqlı faydalı danışıqları qəbul edir və diplomatiyada hər iki tərəf üçün qazanc təmin edən yanaşmaya üstünlük verir. O vurğulayıb ki, İran beynəlxalq münasibətlərdə dialoq, ortaq maraqlar və qarşılıqlı hörmət prinsiplərinə sadiq qalır.
Gündəm24.az xəbər verir ki, İran İslam Respublikasının Prezidenti Məsud Pezzekian Milli Gün mərasimində çıxış edərək bildirib ki, ölkənin bugünkü sabitliyi fikir ayrılıqlarının konstruktiv həlli və islahat və tərəqqi üçün kollektiv iradənin nəticəsidir. Prezident vurğulayıb ki, İranın gücü mədəniyyətində, tarixində və gənclərin bilik, rifah və motivasiyasında kök salıb.
O, beynəlxalq aləmdə İranın qarşılıqlı hörmət, ortaq maraqlar və dialoqa əsaslanan diplomatiyaya üstünlük verdiyini, istənilən danışıqları yalnız beynəlxalq hüquq çərçivəsində, milli ləyaqəti və suverenliyi qoruyaraq, hər iki tərəf üçün fayda təmin edən prinsiplərlə qəbul etdiyini qeyd edib.
Sədaqət Həsənova
