Şeremetyevo mətbuat xidməti əməliyyat qiymətinin bu ilin 29 yanvarında RTS-tender platformasında keçirilən hərracın nəticələri ilə müəyyən edildiyini aydınlaşdırdı.
Gündəm24.az xəbər verir ki, Şeremetyevo Hava Limanının mətbuat xidmətinin verdiyi məlumata görə, Şeremetyevo Domodedovo hava limanını satın almaq üçün müqavilə imzalayıb.
Məlumata görə, müqavilə Şeremetyevonun tam mülkiyyətində olan “Perspektiva” MMC vasitəsilə bağlanıb. Əməliyyatın dəyəri bu ilin yanvarın 29-da RTS-tender platformasında keçirilən hərracın nəticələrinə əsasən müəyyən edilib.
Qeyd edək ki, daha əvvəl “Perspektiva” MMC Domodedovo Hava Limanı üçün keçirilən hərracın qalibi elan edilmişdi və 66,1 milyard rubl (təxminən 854 milyon dollar) təklif vermişdi. Rusiya Nəqliyyat Nazirliyi və Federal Hava Nəqliyyatı Agentliyi (Rosaviasiya) isə sərnişinlərin və daşıyıcıların maraqları naminə aeroportun yeni sahibinin təşəbbüslərini dəstəkləyəcəyini bildirib.
Sədaqət Həsənova
