Bəyanatda tankerin “Karib dənizində sanksiya tətbiq edilən gəmilərin karantini”ni pozaraq fəaliyyət göstərdiyi iddia edilir.
Gündəm24.az xəbər verir ki, Los Angeles Times qəzetinin verdiyi məlumata görə, ABŞ Pentaqonu bildirib ki, Amerika hərbçiləri Hind okeanında Vaşinqtonun sanksiyalarını pozmaqda ittiham edilən “Aquila II” tankerini saxlayıb. Rəsmi açıqlamada qeyd olunur ki, əməliyyat INDOPACOM məsuliyyət zonasında heç bir insident olmadan həyata keçirilib və dəniz qadağası çərçivəsində gəmi yoxlanılıb.
Pentaqonun məlumatına görə, tanker Karib dənizində sanksiyaya məruz qalmış gəmilərin karantin rejimini pozaraq fəaliyyət göstərib. ABŞ hərbçiləri gəmini Karib dənizindən Hind okeanına doğru hərəkət etdiyi müddətdə izləyib və nəzarət altında saxlayıb.
Bununla belə, saxlanılan gəmi ilə bağlı əlavə texniki və ya hüquqi detallar açıqlanmayıb.
Sədaqət Həsənova
