Lavrov Rusiyanın dürüst beynəlxalq əməkdaşlıq qurmaqda maraqlı olduğunu qeyd etdi və xüsusilə Belarus, Şimali Koreya və İranla bağlanan ikitərəfli müqavilələrin həyata keçirilməsinə xüsusi əhəmiyyət verdiklərini vurğuladı.
Gündəm24.az xəbər verir ki, RIA Novosti-nin verdiyi məlumata görə, Rusiya xarici işlər naziri Sergey Lavrov Diplomatlar Günü münasibətilə yayımlanan videomüraciətdə Avrasiyada bərabər və bölünməz təhlükəsizlik arxitekturası üzərində işlədiklərini bildirib.
Lavrov qeyd edib ki, Moskva Prezident Vladimir Putinin təşəbbüsü ilə Avrasiya məkanında təhlükəsizlik sistemi və geniş praktik əməkdaşlıq yaratmaq üzərində çalışır. O, Belarusla təhlükəsizlik zəmanətləri, eləcə də Şimali Koreya və İranla hərtərəfli strateji tərəfdaşlıq müqavilələrinin həyata keçirilməsinə xüsusi əhəmiyyət verdiklərini vurğulayıb. Lavrov bildirib ki, belə bir sistem bütün Avrasiya ölkələri üçün uzunmüddətli sabitliyi təmin edə və yeni münaqişələrin qarşısını ala bilər.
Sədaqət Həsənova
