Dmitri Peskov qeyd edib ki, Moskva Fransa prezidenti Emmanuel Makronun Rusiya ilə münasibətlərin bərpasının vacibliyi barədə açıqlamalarını nəzərə alıb.
Gündəm24.az TASS‑a istinadən xəbər verir ki, Kremlin sözçüsü Dmitri Peskov bildirib ki, Moskva Parislə təmasları davam etdirir və bu əlaqələr zərurət yaranacağı təqdirdə ən yüksək səviyyədə dialoqun qısa müddətdə qurulmasına imkan verə bilər. Onun sözlərinə görə, tərəflər arasında əlaqələrin mövcudluğu təsdiqlənir, lakin hələlik Fransa tərəfindən belə bir dialoqa açıq istək barədə konkret siqnal daxil olmayıb.
Peskov qeyd edib ki, Kreml Fransa prezidenti Emmanuel Makronun Rusiya ilə münasibətlərin bərpasının vacibliyi barədə açıqlamalarını diqqətlə nəzərə alıb və bu mövqeyi müsbət qiymətləndirir.
Xatırladaq ki, Makron bundan əvvəl Parisin Moskva ilə texniki rabitə kanallarını bərpa etdiyini, həmçinin dialoqun yenidən başlamasının və Rusiya ilə birlikdə yeni Avropa təhlükəsizlik arxitekturasının formalaşdırılmasının zəruriliyini vurğulamışdı.
Sədaqət Həsənova
