Çin kosmik stansiyasına növbəti yük gəmisini uğurla göndərib. “Tianzhou-9” karqo kosmik aparatı orbitə çıxaraq təyin olunmuş istiqamətdə hərəkətini davam etdirir. Bu missiya bölgədə hərbi və siyasi gərginliyin artdığı bir vaxtda reallaşıb.
Demokrat.az xəbər verir ki, kosmik gəmi stansiyada çalışan heyət üçün lazım olan avadanlıq və gündəlik tədarük materiallarını daşıyır. Fırlanma anında səmada yaranan mənzərə isə hər kəsi heyrətləndirib. Raketin atmosferin yuxarı qatlarında buraxdığı qaz və yanacaq hissəcikləri günəş şüaları ilə reaksiyaya girərək nəhəng meduzanı xatırladan bulud yaradıb. Şərq səmasını işıqlandıran bu vizual görüntü maraqla qarşılanıb.
Çin bu addımı ilə öz kosmik proqramındakı ardıcıllığı qoruduğunu və stansiyanın fasiləsiz fəaliyyətini təmin etdiyini nümayiş etdirib.
