ABŞ Prezidenti Donald Tramp kürd silahlı qruplarının Iran ərazisinə hücum etməsi ehtimalına münasibət bildirib.
Globalinfo.az xəbər verir ki, o, bu barədə jurnalistlərin bu mövzuda sualını cavablandırarkən bildirib. Tramp qeyd edib ki, əgər kürd qüvvələri belə bir addım atmaq istəyirlərsə, buna müsbət yanaşır.
“Düşünürəm ki, bunu etmək istəyirlərsə, bu, əladır. Mən bunun tərəfdarıyam və onların hücumunu dəstəkləyirəm”, – deyə Tramp bildirib.
ABŞ lideri əlavə edib ki, bölgədə baş verən proseslər diqqətlə izlənilir və müxtəlif qrupların qərarları regional təhlükəsizlik vəziyyətinə təsir edə bilər.
Onun sözlərinə görə, hazırda Yaxın Şərqdə vəziyyət kifayət qədər gərgindir və müxtəlif qüvvələrin atacağı addımlar hadisələrin inkişafına birbaşa təsir göstərə bilər.
