Özünü yandıraraq intihar edən meyxanaçı Şaban Neftçalalının (Hüseynov) anası olduğunu iddia edən E. Hüseynova adlı qadın müğənni Kəmalə Günəşlini oğlunun “Röyada idim” mahnısını oğurlamaqda ittiham edib.
Gündəm24.az Bakupost.az-a istinadən xəbər verir ki, o bu barədə sosial şəbəkədə çıxış edib.
E. Hüseynova bildirib ki, “Röyada idim” mahnısı onun oğluna məxsusdur və Kəmalə Günəşli ilə Tural Sədalı tərəfindən icazəsiz götürülüb:
“Onlar nə ixtiyarla oğlumun mahnısını götürüblər? Oğlum bu mahnı üçün çox əziyyət çəkib. O vaxt tələbə idi. Mən kasetin aranjimanına, studiya xərclərinə, yol puluna qədər hər şeyi özüm qarşılamışam. Bütün Azərbaycan bilir ki, o mahnının həm sözləri, həm də musiqisi Şabanındır. Onlar düşünürlər ki, Şaban yiyəsizdir? Mən bir gün efirə çıxacam. Kəmaləyə halal etmirəm. Necə ki, mən Şaban üçün qazandığım pulları dava-dərmana xərclədim, Kəmalə də qazandığı pulları Tural Sədalı ilə birlikdə dava-dərmana versin. Mən halallıq vermirəm. Nəticə əldə edənə və mahnını qadağan etməyənə qədər onlardan əl çəkməyəcəyəm”.
Xatırladaq ki, Nefçala rayon sakini, 1985-ci il təvəllüdlü Şaban Gülmirzə oğlu Hüseynov 2017-ci il dekabrın 22-də özünü yandıraraq intihar edib.
Fotolarda Şaban Nefçalalı
