İsrail mediasına verdiyi “təsdiq”də ABŞ rəsmisi bildirib ki, “ABŞ ordusu minlərlə dəniz piyadası və donanma heyətinin Yaxın Şərqə yerləşdirilməsi prosesini sürətləndirib”. Mənbəyə görə, Harq adasını ələ keçirmək üçün “başqa seçim yoxdur”.
Gündəm24.az xəbər berir ki, İsraildə yerləşən “Jerusalem Post” qəzetinə danışan iki mənbənin sözlərinə görə, ABŞ-ın yüksək vəzifəli rəsmiləri bu yaxınlarda İsrail və digər ölkələrdəki həmkarlarına İranın Xarq adasını ələ keçirmək üçün quru hərbi əməliyyata başlamaqdan başqa çarə qalmayacağını bildirib. Fars körfəzində yerləşən Harq adası İranın neft ixracının əsas mərkəzidir və ABŞ administrasiyası daxilində adanın işğal edilib-edilməməsi müzakirə olunur.
ABŞ ordusu minlərlə dəniz piyadası və döyüş heyətini Yaxın Şərqə yerləşdirib. Təxminən 4500 piyada əsgəri USS Boxer Amphibious Ready Group-un tərkibində olan USS Boxer, USS Portland və USS Comstock amfibiya desant gəmilərində xidmət edir.
Təxminən bir həftə yarım əvvəl ABŞ Harq adasındakı hərbi hədəflərə zərbələr endirib. Prezident Donald Tramp həmin vaxt tvit edərək adadakı bütün hərbi obyektlərin məhv olunduğunu bildirib, lakin adanın bütün neft infrastrukturu hələ hədəfə alınmayıb. Tramp əlavə edib ki, İran Hörmüz boğazında maneələri aradan qaldırmasa, bu addımı yenidən nəzərdən keçirəcək.
Şənbə günü Tramp İranı hədələyərək bildirib ki, blokada aradan qaldırılmasa, İranın elektrik stansiyaları hədəf alınacaq. İsrail mediası isə hadisələri şərh edərək İranın xəbərdarlıqlara məhəl qoymaması fonunda boğazlarda naviqasiya azadlığını təmin etmək üçün hərbi əməliyyatın zəruri olacağını qeyd edib.
Sədaqət Həsənova
