Son günlərdə müəllimlərin sertifikasiya nəticələrinə əsasən əməkhaqlarına edilən əlavələrlə bağlı ciddi müzakirələr davam edir.
Məlum olduğu kimi, hazırkı mexanizmə əsasən 30–50 bal toplayan müəllimlərə 10 faiz, 51–60 bal arası nəticə göstərənlərə isə 35 faiz əlavə edilir. Bu isə cəmi 2 bal fərqi olan müəllimlər arasında əməkhaqqında böyük uçurum yaratdığı üçün narazılıqlara səbəb olub.
Millət vəkili Vüqar Bayramov sertifikasiya nəticəsi 80 faizə bərabər olan müəllimlərə 35 faiz artımın tətbiq edilməsini təklif edib. Bu yanaşma alternativ olaraq müzakirə olunur.
Gündəm24.az xəbər verir ki, təhsil eksperti Ramin Nurəliyev isə müəllimin aldığı əlavə əməkhaqqının topladığı bala tam uyğun şəkildə hesablanmalı olduğunu deyib.
Ekspertin yeni təklif etdiyi model:
1. 30–35 bal
– Müəllim sertifikasiyadan keçmiş hesab edilsin, stabil əməkhaqqı verilsin. Əlavə tətbiq olunmasın.
2. 35–40 bal
– Standart 15 faiz əlavə.
3. 40–50 bal
– Hər bala görə 1faiz artım.
* 41 bal – 16%
* 42 bal – 17%
* 43 bal – 18%
* 49 bal – 24%
* 50 bal – 25%
4. 51–60 bal
– Yüksək nəticələr olduğuna görə hər bala 2 faiz artım.
* 51 bal – 27%
* 52 bal – 29%
* 53 bal – 31%
* 59 bal – 43%
* 60 bal – 45%
Ramin Nurəliyev hesab edir ki, bu yanaşma həm nəticələr arası ədaləti qoruyacaq, həm də müəllimlər arasında sağlam rəqabəti artıracaq.
