Gündəm24.az Qərbi Azərbaycan İcması Sumqayıt nümayəndəliyində İdarə Heyətinin iclası keçirilib.
İclası nümayəndəliyin sədri Ramiz İsmayılov açaraq gündəlikdə duran məsələlər, nümayəndəliyin fəaliyyəti və qarşıda duran vəzifələr barədə geniş məlumat verib. O, Qərbi azərbaycanlıların birliyinin möhkəmləndirilməsinin, icma üzvlərinin təşkilatlanmasının və görülən işlərin daha da genişləndirilməsinin vacibliyini vurğulayıb.
Müzakirələr zamanı çıxış edən Nazim Hüseynov icma üzvlərinin fəallığının artırılmasının vacibliyini qeyd edib, Qərbi azərbaycanlıların milli birlik və həmrəylik ruhunun gücləndirilməsinin əhəmiyyətindən danışıb.
Daha sonra söz alan Şükür Əliyev nümayəndəliyin gördüyü işləri yüksək qiymətləndirərək gələcək fəaliyyətin daha sistemli və təşkilatlanmış şəkildə davam etdirilməsinin vacib olduğunu bildirib.
İclasda iştirak edən Zaur Cəfərli isə çıxışında sosial yönümlü təşəbbüslərin əhəmiyyətindən danışıb və Batgöz Klinikası tərəfindən icma üzvlərinə göstərilə biləcək tibbi dəstək barədə məlumat verib.
Sonda iştirakçılar tərəfindən səsləndirilən təkliflər müzakirə olunub və iclasın yekununda bir sıra təşkilati məsələlərlə bağlı müvafiq qərarlar qəbul edilib.
