İsrailin Baş naziri Netanyahu, İran və Livandakı bütün uğursuzluqlara görə günahkar axtarır və bu vəziyyət ordu daxilində narazılığa səbəb olur.
Gündəm24.az xəbər verir ki, İsraildə siyasi və hərbi rəhbərlik arasında gərginlik açıq qarşıdurmaya çevrilir. Yerli medianın məlumatına görə, Baş nazir Benjamin Netanyahu İran və Livandakı uğursuz əməliyyatlara görə ordunu günahlandırmağa çalışır və bu, hərbi dairələrdə ciddi narazılıq yaradıb.
Hesabatlarda qeyd olunur ki, Netanyahu həm İranla bağlı nəticələrə görə Mossad-ı, həm də Livandakı vəziyyətə görə İsrail ordusunu günahlandırmağı planlaşdırır. Bu isə siyasi və hərbi rəhbərlik arasında ziddiyyətləri daha da dərinləşdirir.
Bundan əvvəl isə atəşkəsə baxmayaraq, Livana qarşı hücum əmrlərinin verildiyi bildirilmişdi. ABŞ prezidenti Donald Trump-ın açıqlamasına görə, İsrail və Livan arasında müvəqqəti atəşkəs daha üç həftə uzadılıb, lakin bölgədə vəziyyət hələ də qeyri-sabit olaraq qalır.
Sədaqət Həsənova
