Əlcəzair Prezidenti Əbdülməcid Tebbun Ankarada səfərdədir.
Gündəm24.az bildirir ki, Türkiyə Prezidenti Rəcəb Tayyib Ərdoğan həmkarını Esenboğa hava limanında qarşılayıb.
İki ölkə liderləri fəxri qarovulun önündən keçib. Əbdülməcid Tebbun əsgərləri türk dilində salamlayıb.
R.T.Ərdoğan və Ə.Tebbun söhbət ediblər.
Türkiyə Prezidentinin əlcəzairli həmkarını qarşılamaq üçün hava limanına getməsi səfərə diqqəti daha da artırıb.
Türkiyə mətbuatı bunu xüsusi hal kimi qiymətləndirib, çünki R.T.Ərdoğan son illərdə nadir hallarda xarici ölkə rəhbərini qarşılamaq üçün aeroporta gedir. O, qonaqlarını daha çox Ankaradakı Beştəpə iqamətgahında qəbul edir./yenisabah/
