Sumqayıtda mikrorayonlardan birində yol və tullantı problemi sakinlərin narazılığına səbəb olub.
Sumqayit24.az-a daxil olan məlumata görə, 17-ci mikrorayon ərazisində, Sumqayıt Olimpiya İdman Kompleksinin arxa hissəsində yerləşən küçədə yol infrastrukturu yararsız vəziyyətdədir.
Sakinlərin sözlərinə görə, belə vəziyyət həm nəqliyyat vasitələrinin hərəkətini çətinləşdirir, həm də xüsusilə yağışlı havalarda piyadalar üçün ciddi problemlər yaradır.
Bundan başqa, ərazidə məişət tullantılarının uzun müddətdir yığılaraq qalması da narahatlıq doğurur. Bildirilir ki, tullantıların vaxtında daşınmaması həm ətraf mühitin çirklənməsinə, həm də xoşagəlməz mənzərənin yaranmasına səbəb olur.
Qeyd edək ki, sözügedən küçə sakinlər və sürücülər tərəfindən intensiv istifadə olunan yollardan biridir.
Sakinlər aidiyyəti qurumlardan mövcud problemlərin aradan qaldırılmasını xahiş edirlər.
