Rusiya prezidenti Vladimir Putin hərbi ali məktəblərin məzunları ilə görüşü zamanı beynəlxalq vəziyyətin qeyri-sabit olduğunu və Qərbin kursunda dəyişikliklər baş verdiyini bildirib.
Gündəm24.az xəbər verir ki, Putin NATO ölkələrinin artıq yalnız Kiyev rejimini dəstəkləməklə kifayətlənmədiyini, birbaşa müharibəyə hazırlaşdığını bəyan edib.
“Əgər əvvəllər NATO ölkələri Kiyev rejimini dəstəkləməklə kifayətlənirdilərsə, indi Qərbdə açıq şəkildə bizimlə müharibəyə hazırlaşdıqlarını bəyan edir, hərbi və hücum büdcələrini artırırlar”, – deyə Rusiya prezidenti vurğulayıb.
Putin əlavə edib ki, bu cür xərclərin və radikal militarizasiyanın əsaslandırılması üçün NATO və Aİ rəhbərləri “rus hərbi təhdidi” barədə yalançı bəyanatlardan istifadə edirlər. Onun sözlərinə görə, Qərb əvvəlcə Rusiya üçün təhdidlər yaradır, sonra isə ölkəni özünümüdafiə üçün zəruri addımlar atmağa məcbur edir.//NOCOMMENT.az
