Bir müddətdir ölkə mətbuatında və sosial şəbəkələrdə iki nazirin vəzifəsindən azad ediləcəyi ilə bağlı məlumatlar yer alır. Həmçinin səhiyyə sahəsində ciddi islahatların, kadr dəyişikliklərin olacağı bildirilir.
Emin Əmrullayev
Məlumata görə, vəzifəsindən uzaqlaşdırılacağı ehtimal olunan nazirlərdən biri Emin Əmrullayevdir. Onun Elm və Təhsil Nazirliyindəki rəhbərliyinə son qoyulacağı gözlənilir.
Əldə etdiyimiz məlumata görə səhiyyə sistemində də ciddi kadr dəyişikliyinin olacağı gözlənilir. Belə ki, səhiyyə naziri Teymur Musayevin də postuni itirəcəyi ehtimal edilir. Onun yerinə kimin təyin ediləcəyi ilə bağlı da iddia var. Əsas namizədlərdən biri əmək və əhalinin sosial müdafiəsi nazirinin müavini Anar Bayramovdur. Anar Bayramov maliyyə naziri Sahil Babayevin kadrı kimi tanınır.
Anar Bayramov daha əvvəl Dövlət Tibbi Sosial Ekspertiza Agentliyinin sədri olub, Sahil Babayev maliyyə naziri təyin ediləndən sonra Bayramob əmək və əhalinin sosial müdafiəsi nazirinin müavini olmuşdu.
Onun nazir vəzifəsinə- səhiyyənin rəhbərliyinə gətiriləcəyi gözlənilir. Deyilənə görə Anar Bayramov əvvəllər işlədiyi A-group şirkətindən də Səhiyyə Nazirliyinə kadrlar gətirməyə planlaşdırır.
Bundan başqa TƏBİB rəhbərliyində də ciddi dəyişikliklər olacağı haqda da fikirlər. Hazırda maliyyə yoxlamalarının aparıldığı TƏBİB-də rəhbərliyə iddialı olanlardan biri də Rəşad Çobanlıdır. Hazırda TƏBİB-in İlkin səhiyyə xidməti departamentinin rəhbəri vəzifəsini daşıyan Rəşad Çobanlının çalışdığı quruma icraçı direktor təyin ediləcəyi gözlənilir.
Bildirək ki, TƏBİB-in indiki icraçı direktoru Vüqar Qurbanovdur.
Əli Səfərli,
Gundem24.az
