Qazaxıstanın Xəzər dənizi sahilində yerləşən Mangışlaq yarımadasında arxeoloqlar dünya elmi üçün böyük əhəmiyyət kəsb edən nadir tapıntıya imza atıblar.
Gündəm24.az xəbər verir ki, Aktau şəhəri yaxınlığındakı Karakabaq nekropolunda aparılan qazıntılar zamanı təxminən 1500 il əvvəl, V-VI əsrlərdə dəfn edilmiş gənc və varlı qadına aid məzar aşkarlanıb.
Tapıntının ən diqqətçəkən detalı qadının geyimi və qızıl ayaqqabıları olub.
Məlumata görə, ayaqqabı gündəlik istifadə üçün deyil, məhz dəfn mərasimi üçün hazırlanıb.
Ayaqqabı və kəmərlərdəki toqqaların gündəlik istifadəyə uyğun olmaması bu dəbdəbəli geyimlərin qadının sağlığında geyindiyi əşyalar olmadığını göstərib.
Arxeoloqlar hesab edirlər ki, bütün bu bəzək və aksesuarlar yalnız dəfn mərasimi üçün xüsusi olaraq hazırlanıb.
Araşdırmalar zamanı ayaqqabılara tamamilə qızıldan hazırlanmış görünüş verildiyi müəyyən edilib. /baku.ws
