ABŞ kəşfiyyatı Rusiyanın yaxın illərdə NATO ölkələrindən birinə məhdudmiqyaslı hücum planlaşdırdığı barədə xəbərdarlıq edib.
Gündəm24.az xəbər verir ki, Mərkəzi Kəşfiyyat İdarəsinin (CIA) direktoru Con Ratkliff Moskvaya xəbərdarlıq edərək, xüsusilə Baltikyanı ölkələrə (Estoniya, Latviya, Litva) qarşı gərginliyi artırmamağa çağırıb.
Litvanın xarici işlər naziri Kəstutis Budris Rusiyanın ehtimal edilən “saxta bayraq” əməliyyatları barədə oxşar məlumatlara malik olduqlarını və verilən bəyanatların NATO-nun 5-ci maddəsini xatırladan çəkindirici xarakter daşıdığını bildirib. NATO rəsmiləri birbaşa hücum təhlükəsi görməsələr də, ehtiyatı əldən verməməyin vacibliyini vurğulayıblar. Təkcə bu il Avropada Rusiyaya aid 100-dən çox hibrid insident qeydə alınıb./yenisabah/
