Avtovağzal metrostansiyasının qarşısında hərəkətin təşkilinə dəyişiklik edilib.
Məlumata görə, Bakı-Sumqayıt yolundan sağa – Avtovağzal metrostansiyasına dönən zaman əvvəllər düzünə hərəkət etməyə icazə olsa da, edilən dəyişiklikdən sonra əraziyə girişi qadağan edən nişan quraşdırılıb. Belə ki, artıq sözügedən istiqamətdə yalnız avtobusların hərəkətinə icazə verilir.
Qeyd edək ki, nişanın tələbini pozan minik avtomobillərinin sürücüləri İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə oluna bilərlər.
Mənbə: Avtosfer.аz
