Erməni mütəxəssislər sabah, 21 noyabrda Bakıya yola düşəcəklər.
Gündəm24.az Axar.az-a istinadən xəbər verir ki, bu barədə Ermənistan mediası məlumat yayıb.
“İrəvan hökuməti bu gün keçirilən iclasında 21-22 noyabr tarixlərində Bakıda keçiriləcək dəyirmi masada Ermənistan tərəfindən beş mütəxəssisin iştirakını təmin etmək məqsədilə İrəvan-Bakı və Bakı-İrəvan çarter reyslərinin təşkili üçün 17 milyon 550 min dram (45.9 min dollar) ayrılması barədə qərar verib.
Qərarın əsaslandırılmasında deyilir ki, dəyirmi masada iştirak Ermənistan və Azərbaycandakı vətəndaş cəmiyyəti nümayəndələri arasında əlaqələri asanlaşdıracaq və iki dövlətin cəmiyyətləri arasında etimadın gücləndirilməsi mexanizmləri yaradacaq.
